Oslo bismagoddái galgá sámegiel namma
Oslo bismagoddi ja Oslo bisma ožžot sámegillii namaid. Nu mearridii Oslo bismagodderáđđi mánnodaga.
 |
Kristelig Pressekontor er Norges kristne nyhetsbyrå, som leverer meningsfulle nyheter til små og store nyhetsformidlere i Norge |
Osko bismagotti girku searvá bargui maid Oslo suohkan lea bargame ahte ásahit almmolaš nama sámegillii.
– Mii hálidit bargat dasa ahte sámi giella, kultuvra ja árbevierut ožžot stuorát saji ja oidnojit buorebut girkus. Lea áibbas lunddolaš oassi girku eallimis, mii lea leamaš dulbmojuvvon ja dahkkojuvvon oaidnemeahttumin, dadjá Oslo bismagotti jođiheaddji Gard Sandaker-Nielsen preassadieđáhusas.
Son cuige ahte sámegiel namma lea dehálaš sápmelaččaide ja eanetloguálbmogii.
– Mun lean ilus dál go bismagoddi ja bisma oažžuba sadjái sámegiel nama ja mii sávvat ahte fargga lea sámegiel báhppa dahje diakona sajis ja ahte mii oažžut sámi girkoeallima várás lávdegotti bismagoddái, dadjá son.
Go namma dahje namat leat mearriduvvon Oslo suohkanii, de šaddet maiddái almmolaš namat bismii ja bismagoddái. Oslo gávpotráđđi lea álggahan proseassa ja loahpalaččat mearrida Gielda- ja guovlodepartemeanta Oslo sámegiel nama. KPK
Tips en avis om å skrive om denne saken
