Gonagasa ánsomedálja biibbaljorgaleaddjái
Britt Rajala, geas lea leamaš guovddášrolla davvisámi biibbaljorgaleamis Biibbal 2019 oktavuođas, oažžu bearjadaga Gonagasa ánsomedálja.
 |
Kristelig Pressekontor er Norges kristne nyhetsbyrå, som leverer meningsfulle nyheter til små og store nyhetsformidlere i Norge |
Bearjadaga čakčamánu 24. b. dii. 13:00 geigejuvvo gonagasa ánsomedálja biibbaljorgaleaddjái Britt Rajalai. Dáhpáhus lea Deanu ráđđevisttis. Dan dieđiha Biibbalsearvi preassadieđáhusas.
- Lea gelddolaš, muhto dieđusge lea maid illu ja vuollegašvuođadovdu dán stuora ánssu dihte, dadjá Britt Rajala.
Oppa su bargoeallimis lea sus leamaš guovddášrolla davvisámi biibbaljorgaleamis mii almmuhuvvui guokte jagi dassái.
– Britt álggii bargat jorgalanprošeavttain 1980-logu loahpageahčen, ja lea čuvvon prošeavtta jorgaleaddjin gitta dassážii go Biibbal 2019 almmuhuvvui Guovdageainnus borgemánu 2019. Dan muitala Biibbalsearvvi váldočálli Paul Erik Wirgenes.
LAST NED SAKEN I TEKSTFORMAT HER
Biibbal davvisámegillii
Biibbal almmuhuvvui vuohččan davvisámegillii jagis 1896. Dan rájes lea giella rievdan ja guhká lea leamaš dárbu ođđasis jorgalit Biibbala. Bargu ádjánii badjel 30 jagi ja sivvan dasa lea go ođđa jorgaleapmi lea leamaš stuora, oktasaš giellabargu rastá riikkarájáid.
– Lea leamaš gáibideaddji hukset teavsttaid mat leat oktasaččat olles davvisámi viiddis guovlui, mas leat suopmanat ja iešguđetlágan gielalaš árbevierut Norggas, Ruoŧas ja Suomas, muhto bargu orru leamen lihkostuvvan. Biibballohkkit miehtá Sámi leat addán buori responssa, dadjá Wirgenes.
Sámegiella lea leamaš ráhkis
Biibbalsearvi muitala ahte sámegielgeavaheaddji ja oahppan giellabargi Britt Rajala lea geavahan iežas gelbbolašvuođa ovddolaš vugiin. Son lea oskkáldasat bargan buotlágan gáibideaddji diliid siste.
– Britta lea bargan go davvisámegiella lea sutnje divrras ja sus lea leamaš stuora hálidus ahte sámi álbmoga boahtte buolvvat galget beassat lohkat Biibbala sámegillii. Su gielalaš ja kultuvrralaš gelbbolašvuohta lea leamaš vearditmeahttun jorgalanbarggus, dadjá Davvi-Hålogalándda ovddeš bisma Per Oskar Kjølaas.
Audiensa
Maŋŋil go ánsomedálja lea geigejuvvon gielddastivrasáles Deanu ráđđevisttis, de leat mállásat searvegotti dálus. Doppe oassálastet Gonagasviesu áirasat ja áirasat gieldda hálddahusa bealis. Biibbalsearvvis boahtá váldočálli Paul Erik Wirgenes.
Maŋŋelis dán jagi bovdejuvvo Britt Rajala Gonagas šlohttii audiensai Osloi. KPK
Tips en avis om å skrive om denne saken
